புதிதாய்..........

புதிதாய் ஆடைகள்
அணிந்தபின்
என்னிடம் கேட்கிறாய்
அழகாய் இருக்கிறதா என்று
உன்னை அணிந்த பின்
புது ஆடைகள் கூட
கொஞ்சம்
அழகாய் தான் இருக்கிறது

சிலையோ ஓவியமோ

வடித்த சிலையோ

வரைந்த ஓவியமோ என்று

சிந்தித்து கொண்டிருந்தேன்

காற்றை சாக்கை வைத்து

உன் கன்னத்தில் முத்தமிட வந்த

உன் கூந்தலை

காதுக்கு பின்னால்

ஒதுக்கிவிட்டு சென்றாயே

அதை பார்த்த பின்

தானடிஉணர்ந்து

கொண்டேன்

இது உண்மை என்று !!!!!!!!!!!

இரு மீன்கள்

விரித்த வலையில்

மாட்டிக்கொண்ட

மீனவன் நான்

செவ்விதழ்

உன் செவ்விதழ் பட்ட பின்னரே

தன்னிதழ் விரிப்பேன் என

காத்திருக்கிறது கண்ணீருடன்

பாவமடி இந்த மலர்குழந்தை

கொடுத்துவிடு

உன் இதழ் கொண்டு

ஒரு முத்தம

காகிதம்

உன்னை நினைத்தே

உயிர் விடுகிறது

என் பேனா

அதில் உயிர்

பெறுகிறது

ஒரு

வெள்ளை காகிதம்

நாட்குறிப்பு

எனது நாட்குறிப்புக்கு
உனது பெயர்தானடி
என் காதலை
அதனிடம் மட்டுமே
சொல்வதால்

நாணம்

மண்ணையே பார்த்து செல்கிறது
உனது கண்
உன்னையே பார்த்து செல்கிறது
இந்த மண் ...................